個人理財

有天,和友人一同吃飯,閒談間,友人透露他對儲錢感到很困難,因為每當銀行有錢的時候,很快就會被自己不自覺地用了,而每月都不明白為那些金錢用在那裡, 根本沒有方法可以儲錢,更莫說去投資呢...於是他就問我可以如何儲錢?

老實說,儲蓄是很個人的,很難說我的方法會適合其他人,但我也可以分享一下我的儲蓄習慣。

對於我來說,我是一個做事一定要有計劃先才可實行的人,所以我習慣每天都將我的支出都紀錄下來,好讓我每個月都可以知道自己實際上的收入同支出利,好讓我可以知道自己會不會有入不敷出的問題, 並且我可以利用這些資料去檢討我每月所定下的budget和實際支出相差多少,從中我亦可以利用這些資料,去計劃一些長期的儲蓄習慣, 好讓我可以強制自己去作出一些儲蓄 - 而我就選擇了月供股票及基金。當然除了做每月的budget外,我還會定一些比較長期的budget, 例如進修計劃,旅行計劃,買車計劃等...

友人問,這樣做豈不是很複習?除了每天紀錄,還要每月/每年檢討....當然熟識我的朋友都不禁覺得奇怪,因為懶惰的我是沒有可能這樣會做的。xD

但是我就是每天都做紀錄,但其他的東西如plan budget當然我自己唔做動手做,我是靠坊間的一些軟件幫忙紀錄及plan budget,然後用那些function及report去做每月支出紀錄及budget,這樣,我每天只做最簡單的東西,輸入支出的record到電腦就可以,哈哈!

最低工資

最低工資有望 (from Apple Daily – 左丁山)

德國政府欲立法制定最低工資, 工商界反應激烈，快遞商TNT立即宣佈附屬公司裁 員，並停止新既擴充計劃，一於睇定D先。德國政府經濟部極力反對，駁斥「最低工資有利工人論」。可惜丫，總理默克爾夫人一於政治掛帥，唔睬經濟部，相信德國會成為歐盟大國之中，最後一個最低工資淪陷區。

香港又點呢？聖誕前碰到一位政界人士，佢話形勢比人強，零八年好可能為最低工資立法。後再與一位以前強烈反對最低工資既廠商講到呢件事，廠商話：「行家都知道最低工資會對中小企最為不利，但中小企既有頭有面人物已經轉晒口號，唔敢反對咯，我地無謂同曾特首對着幹丫，唔既話，曾特首會嬲我地不識趣架。」廠商口中既兩位中小企頭頭 ，原來係大企業老闆，搞慣政治，梗係識得見風駛悝啦 。 香港商人最懂得識時務者為俊傑之道，極少講原則，最叻就係跟着領導人走。廠商話：「我本來反對架，但煲呔都投降左，唔再好似以前咁樣反對最低工資立法咯，我咪支持特首囉，將來有乜後果，我唔知，總之唔好在特首面前失分先。」

好咯，廠商唔敢反對，改口支持最低工資，曾特首大可話佢得到商界充分支持，推行立法。呢個情況，究竟雞生蛋還是蛋生雞，無謂深究。社會上仲有冇人反對呀？有，就係經濟學家，與《蘋果日報》幾位評論員，政黨之中，除自由黨外，全部贊成，故此最低工資立法一定可以數夠票，在立法會通過。聽講自由黨研究過經濟學家反對既理由，認識到最低工資並非係對工人有利既最好方法。但政治現實就係，當中小企、廠商會等等開始睇特首面色轉口風，自由黨如果在議會反對推行最低工資既話，有乜野好處呢？不如妥協好過。最低工資在世界上好多國家推行，並非因為合乎經濟學原理，而係合乎政治選舉與選票既現實，犧牲工人長遠利益在所不惜！(完)

--------------------------------------------------------------------------

老實講,依加好多老闆都不斷剝削基層員工,好多時佢地既人工連基本需要都逹唔到,有D甚至乎連綜援的金額都逹不到…咁我覺得最低工資對基層未賞不好…至少佢地唔會變左做同唔做都係咁多錢,而全部一齊唔做野去攞綜援…(咁樣我覺得可以減少中層既負擔,如果唔係,就係中層所交既稅黎養哂佢地…).

但我覺得如果最低工資立法,應該要連埋最高工時一齊定立,否則無良既顧主就會增長工作時間去平衡返佢地最大既benefit….

手震的問題...

其實我係一隻喜歡攝影既貓, 但由於有嚴重既手震問題,搞到我成日都影唔到相,就算用埋防手震既相機都唔得,所以我從來都影唔到snap shot ,次次影完出黎都震過貓王(太有鬆郁蒙的感覺了)....唉...睇醫生又話冇事...唔通次次影相都要帶埋腳架???都唔知點先可以改善...好慘... :(

Wii Fit

昨天,由於有親戚到來我家慶祝聖誕節,雖然我家已有不少Wii的Party Game, 但為了令一眾親友可以更開心地一同分享Wii的樂趣 (當然就是我想玩的最大藉口),我就買了Wii fit這個Game回來一同玩。這個遊戲真是很有趣的,除了玩的人可以開心地玩,而看的人也很緊張,好像有些模擬跑步,如果你很投入去玩,同真的跑步一樣,而玩呼拉圏時,亦需要模擬全個動作才可繼續,否則會像扭不到一樣,呼拉圏會跌下,而當我們一眾人玩行平行線時,如果失敗跌下數十層樓,在場的所有觀眾亦會發出"哎呀"之聲,實在是很有趣...這個Game除了我們後生的玩得開心外,連老人家亦看得很快樂,加上這個 Game 的買點是 "keep fit", 所以它有個function可以幫忙量度體重及身高比例,令到你可以知道自己的體重是否在標準的範圍 (雖然未必是真的),而每天繼續玩,它說可還以透過遊戲來作為keep kit 之用,姑勿論是否真的可以幫助keep fit,但這個Game絕對是一個很有趣及好玩的遊戲.

以股代息 vs 現金股息

香港有數隻藍籌股票都可以用紅股來代替股息,它們是0005(滙豐控股), 0066(港鐵公司)及0023(東亞銀行)。

我之前都成日想究竟以股代息好定直接收現金好...

若收取現金的好處是可以股息直接存入你戶口或以支票直接寄給股東。加上香港買賣股票是以手為單位,如以股代息就會出現碎股問題,即做買賣時,可能會出現比正價低幾格才可沽出。

這樣,股東們為何仍會選擇以股代息呢?

首先,我們不妨先探討股東若以股代息的好處:

• 股東可以利用股息來增加所持股票的佔有股權,從而下一次的派息時再次增加。
• 給予股東橧加投資該公司的機會而毋須支付經紀費、印花稅等雜費。
• 該公司可用股息的資金再作投資。

就以滙豐為例,假設現在持有一手滙豐為計算,在2006年所派發的股息及2007頭三季的股息計算。在2005年頭3季我們可得USD0.15/stock而未期息就USD0.36/stock, 而2007年的頭三季的股息為USD0.17/stock.

http://www.hsbc.com/1/2/investor-relations/dividends/dividend-history

若收取現金:

但若我們採用以股代息,這樣我們所得的股息就會如下:

http://www.hsbc.com/1/2/investor-relations/dividends/scrip-dividend

雖然以上的例子你可能會覺得每次只有有許差別,但假如繼續滖存下去,我們所得的利息就會增長。所以若長期持有該股,絕對是以股代息好,而且該公司亦可用這些資金再作投資從而令該公司的ROE增長,這可以說是雙嬴局面。

Merry Christmas!!!

Merry Christmas and Happy New year!

你是那一類人呢?

今天在網上看到這篇引用曹仁超的文章:

社會上分兩種人：一、賺錢目的係為左消費，80％普通人既行為。二、賺錢跟花錢係兩回事。賺錢過程中已帶來開心，賺錢目的唔係為花錢而係為賺更多錢。所以佢會不停咁工作、不停咁投資，目的只係賺更多錢，因為係賺錢過程中已為佢帶來快樂；社會上20％人口擁有上述性格。呢類人如果有足夠運氣，加上眼光同分析能力，逐漸成為小富甚至大富。但財富既多寡完全唔影響佢地消費行為，佢地消費方面依然故我；反之，賺左錢後亂花錢者只係80％普通人，佢既樂趣在於花錢唔係賺錢，一旦運氣離佢而去，好容易變回普通人；只有將賺錢同花錢分開既人，呢類人既財富才不斷累積，因為佢既樂趣來自賺錢而非花錢。佢會把工作放係第一位（因為工作帶來樂趣）而非消費。你屬於邊類人？寓工作於娛樂抑或賺錢目的為左花錢？

極度失望

原本升職是一項值得高興的事,但當你揭開報紙時,睇到每日都在報導每位打工仔人工在今年有多少升幅時,而自己升職連公司薪金調整都不及報紙上所說的普通調整多時,你會有什麼感覺呢???

而我的感覺正是如題一樣....

借錢買股票

最近,我常常聽到身邊的一些朋友說,要把握時機向銀行借錢或翻按物業去買股票,好讓自己能夠把握這個牛市賺一筆快錢...

我個人並不認為這樣是正確。或許會有些人認為可以借錢來消費,為何不可借錢來炒股票呢?可能是我的投資理論不合時而,我買股票是因為不想自己的積蓄低於通脹而令我的儲蓄貶值,所以我覺得有多餘的閒錢才用作投資。當自己沒有錢時,根本就沒必要去買股票來讓自己的積蓄增值或抗衡通脹....

若然用借錢的方法來投機股票,這樣同賭博有什麼分別?可能有人說只會投機於優質股藍籌股上,但我想說的是股票市場永遠是變幻莫測的,並不是買入優質股就一定會沒有風險,加上有些優質股的升幅亦不會太快,這樣,抱著用借貸方法的投機人士,又會否真的會乖乖地只投資優質藍籌股呢?假如突然有變化時,你可能要沽出一些股票去還債,而當中可能已有虧損或和計劃中有出入而令到計劃改變或不同,最重要就是還有要清還借貸利息。這樣是否得不償失呢?

當然我並不排除當中有良好理財技巧的人可以善用這種方法,但當中又有幾多個這類人呢?

掛鈎存款

今天和友人一起吃晚飯,說開掛鈎存款,友人問這究竟是什麽?

其實它是一種投資工具,主要分為外幣掛鈎存款和股票掛鈎存款。顧名思義外幣掛鈎存款即是用外幣作掛鈎工具,而股票掛鈎就是用股票掛鈎了。而掛鈎存款是結構產品的一類, 一般都融合了定期存款及投資增值機會的優點,它們主要是定期存款+外滙/股票期權合約。而它的入塲費是約港幣10萬元正

例子 (外幣掛鈎存款):

好處是比一般定期的定期利率高及存款期較彈性。作為定期來看,所得的利息的確是很吸引。但從另一個角度看,這種投資工具有少許被"搵笨"的感覺。因為滙價高於我們所定立的價位,銀行所定立就會在到期時退回港元及收取其間的利息(也是港元),但中間的滙率差價,我們不可以賺取...

相反, 如果滙價係低於我們所定立的價位,銀行就會將我們的本金及利息的總和除以所定立的價位,以外幣退回給我們,如我們用即時的滙價對換,我們就會有虧損。這樣,我覺得這種產品好似銀行買了保險一樣,賺的滙率就由他們瓜分,而虧損時就找我們幫他接貨, 但當然如果一路想買外幣的朋友或不介意以外幤作為存款者就不同說法...

我個人來說,並不是太喜歡這類產品,而基於友人問到,就作個簡單的介紹...

會過去的

巳經16年了, 在16年前的今天即1991年12月16日,我失去了重要的東西, 而且亦不再存在這個世界了, 但記憶郤是不滅的, 只活在我的回憶中....

而每年的今天,我的心仍然感到傷痛, 老實說當天的一切情境仍然歷歷在目, 但很神奇,我的傷痛已一年比一年少,亦一年比一年淡...的而且確,時間是可以沖淡一切,亦可以治癒一切。

最痛都會過去 都會散去
都會退去 我們如何
仍然能活下去

負利率時代

香港將進入負利率時代...即是指物價指數（CPI）快速攀升，導致銀行存款利率實跑輸通脹的這樣一段時期。理論上,負利率是有利樓市及股市,因為每個小市民都想尋求不讓財富貶值的方法 (當中包拾我在內),從而刺激股市及樓市令資產增值及帶動消費, 但在長時間持續負利率並不是一件好事,因為這樣會令到樓市及股市上生泡沫...

解決負利率, 香港可以說是被動的。因為香港利率受到聯滙影響,而美國才剛進入減息期... 同時香港的物價亦受中國的經濟增長而上產生通脹,這樣我們可以說是朿手無策...現在香港股市正處於一個牛市時期,可以說是高處不勝寒的境界,而樓市亦開始颷升....我們作為一個小投資者,就唯有要審慎投資....

曾經好喜歡的一首歌

這首是我以前(到現在仍是)很喜歡的一首歌, 今日突然聽到...

一千零一夜 - 李克勤

等她的笑　等她的愛
等她等了不知不覺一千夜
等她的吻　等她擁抱
輾轉不覺花開等到花凋謝
讓我每夜暖一些
回憶日作有一個落漠造夢者
OH JULIET　已一千個夜
JULIET　再等幾個夜
會對我好些　若愛情可借
盼今晚　你可否暫借

等她哭了　等她傷了
等她等了一千加上多一夜
等心死了　等她需要
等她知道　終於等到
她感謝 若要每夜暖一些
情願像妳變一個幸運被愛者

盼今晚　你可否暫借

瑞士之旅 - Geneve

由出發去Geneve - 日內瓦開始,其實我地行程都過左一半,所以我地就係出發前一晚,重新整理過我地既行李分為兩件,一件用瑞士鐵路既服務 - 寄存行李服務直接寄存係我地最後一站的地點。而價錢都係~CHFr10/pc(可保存5日)好方便。


離開Lauterbrunnen後,我同亞Step就乘搭黃金快線(Golden Pass)去Montreux,之後再轉搭SBB(瑞士國鐵既簡稱)到Geneve。而這裡係瑞士既法語區,所以係以法文為主的,而所有指示牌亦由德文轉為法文 (Lauterbrunnen係屬於德語區)。


係Montreux至Geneve既火車路線都係係列馬湖(日內瓦湖)邊的,至於另一邊係山景,但全個山都種滿左葡萄。到逹Geneve後,我地第一件事就緊係要去搵當晚既酒店Check-in同放低行李, 跟住就要出動喇。


Geneve比我地既感覺好城市feel同好法國,好多建築物都好法式,感覺同瑞士其他城市好唔同。係Geneve玩1日就已經很足夠, 可以完成市內觀光就算及欣賞湖邊風景。如果就啱時間,更加可以坐觀光船遊湖。


我地當晚既酒店只係2星級,叫De la Cloche, 房間都算乾淨同舒服,包早餐,而且價錢合理。喱間酒店既早餐係我係瑞士咁多日最好食既1日,由於佢地係鄰近法國,所以佢地既早餐係法國麵包,外脆內軟。雖然喱間酒店唔錯,但都有缺點 - 就係個厠所太細。

回顧2007

時光飛逝, 現在已經是2007年的12月,今年還有大半個月的時間就會完結。每年,我都會回顧自己的目標進度。今年,亦不會例外。

我在四年前巳對自己的Career Path定下一個目標,當時在上一間公司工作時曾想過五年內我要在我的工作上更上一層,但時間是無情的,在經過二年的檢討進度時,發覺自己仍然原地踏步,當時對之後1-2年的展望,亦沒有跡象會有所改變,就決定轉工去實踐第一步。現在又過了2年了, 我的目標可以說是完成大半,但由於公司的制度,令到我完成目標的時間稍為加長...不過整體進度尚算良好,仍然可以保持現有的目標到下一年。: )

宏利金融之我見

宏利金融(0945)是我另一隻長線的心水股,選它的原因是因為它可以說是一隻年年增長股,這隻股票由2002年至2006年的年增長逹40.7%,可說是盈利穩步增長。

宏利在2005到2006年的純利增長為21%。而以今日的市價計算,宏利的市盈率為18x,而我保守估計它今年的純利增長約10%,所以我用PE16x及假設盈利增長為每年10%的數據來計算宏利到2010年的價值, 估值就如下:

宏利的派息比率亦有約30%左右, 但息率並不算高,只有約1.65%, 而今年頭2季,宏利的派息都是每股0.22加元,而第三季的派息為每股0.24加元。

金牌路路通

我係2004年巳經有車牌,但由於久未渣過,所以完全唔記得左點渣車...而最近我有架2手車入手,所以就報番個course去實習下先...

而今日就係上第一堂,首先係係沙田駕駛學院裡面兜左一個圈後就出去,由大埔公路渣到去大尾篤,之後練習泊車(泊L位)再渣吐露港....渣左兩個鍾,隻腳都有D攰。

係吐露港最快開到100米,我唔覺唔覺都有開到咁快... xD
總之好好玩好開心,我下次會渣下午的,因為亞Sir話要實習下午既交通繁忙喎。 :D
之後總有1 set,我會連續渣4粒鍾既 ,不過中間有break,有得休息下 :)

"Your comment, Please! "

我公司最近黎左個新的新加坡同事,我發覺佢真係勁麻煩,乜事都係到嘈,我出比佢d email, 我每個都係有禮貎的,但佢就好似發癲咁周圍點火,第一次我出個confirmation 既 email, 佢覆我個email就好似我殺左佢全家咁,連無直接關連既同事(係CC list)都走黎問我, "佢做乜咁串?你只係解釋d野同比你既comment佢...佢好似冇答你野喎..." 我當時都唔知點應佢好。我好無奈咁講可能佢新黎(1個月都唔夠), 或者佢唔明。

但老實講,我覺得佢真係好無禮貎...不過算...(不竟係新同事,同最主要我係9號人格,唔鍾意同人嘈)。過左幾日,佢又發癲...佢無端端同我講佢reject個cost,理由係因為supplier唔可以係佢預定日期交貨,所以唔比additional既錢...作為睇cost既人,我就緊係第一時間睇下發生乜事,佢做乜咁嘈...睇完我覺得個cost 係合理因為個cost 係Project cost, 做project就要比(唔關交貨事...兩樣野...),加上佢話人地唔係佢限期交貨就重搞笑,首先佢張單係11月頭落, 要人2日後交貨,但個project係新既,人地連係乜都唔知,之後佢資料又比唔齊人,要到11月中先可以比料人,人地點係佢預定日期交貨....而且人地day one 已經講左係12月中交貨(即使資料唔齊都好,supplier都話OK),....係人地依加唔係confirmed date交貨比佢, 而係提早左幾日交貨(知佢urgent),而佢就一口話人地唔可以係佢target date交貨唔比 extra 既錢......由於我既工作就係要做advisor既角色,唯有我又當佢唔識,解釋比佢聽個project cost 係standard cost, 做project 就一定要比同交唔交到貨無關...而個Project cost係standard price, 一路同其他Project 既價錢都一樣,所以我既comment就係個cost 合理, 同叫佢比錢....但條PK跟手出個發癲email比佢個老細話佢唔識控制d cost, 又話人地交唔到貨...跟住又講如果老細你accept 個project 蝕錢,就比錢喎佢冇意見...而最後(我覺得最搞笑既地方)係問佢老細... "Your comment, Please! "

我睇完個email真係笑出黎,原來喱個世界有人白痴到去order自己個老細做野,而且係佢發癲前,完全唔睇我個email details.... (或者我英文唔好喇,只係睇開我寫email既同事明白及知道我寫乜,佢就唔識睇我d差劣既英文喇....) 。佢之前出email兇我,我都算,因為我覺得人地睇到個email係佢冇品同冇禮貎,我只係解釋d野佢聽,佢要癲我唔會阻止, 我亦唔想老細覺得我係到玩野(or 玩新同事)...所以我忍佢, ....到左今次我又係做個解釋同比advise佢,但佢今次唔係兇我lu....只係cc 我, 而係佢對佢老細發癲....

其實覺得佢真係好犀利,返左約1個月工,就可以同佢所有合作既同事,佢老細個秘書,supplier佢d客都有仇....真係勁....依加連老細都出個 .... "Your comment, please!" 既 email...勁!

滙豐控股之我見

近期,滙豐的股價強差人意,坊間聽到很多朋友都對滙豐的表現感到失望,但對於我來說,這可說是一個機會去增持滙豐作長線之用,老實說,如果短期炒賣股票的心態去買入匯豐(0005),它的表現實在是差勁,亦不應買入. 但如果抱著做定期的心態去持有滙豐,它一定會帶給你理想的回報及表現. 因為以它的現價計,PE只是約10, 而息率約5%. 而且粗略用息口來為它的股價估值,它的價值應約160-170元,所以我覺得現在的價格實在是值得買入作長線持有的.

一日二十四小時

係細個既時候,成人聽到d大人講1日得24小時實在係唔夠用...做細佬既時候,真係理解唔到點解,成日都覺得一日真係好長, 點解會唔夠用呢....

但到左今日,我都長大成貓了, 就終於明白原來1日得24個鐘頭真係唔夠用的...而且係深深咁體會到時間唔夠用既慘況。xp

應徵者的發問

在面試時,我們不是只有被問問題,通常差不多尾聲時,都會有機會給應徵者發問。而這個時候,相信大家都會都有不知所措的感覺,因為根本不知可問什麼... 可能有些朋友說是否問

• 我的機會有多少?


• 我有表現如何?


• 何時會有消息?

等問題...

其實我個人覺得以上問題最好就不要問了,因為這類問題其實不會對你的面試有幫助,有時可能會有反後果,令到有負面形象...

這樣,我們究竟可以問什麼呢? 其實我覺得這個時候,其實是一個機會樣你在interviewer面前得到一些好感分的時候 , 因為大多數人都不懂得處理這個最後的問題, 亦不懂得可以在這裡表現自己對該工作的興趣及誠意,而且在這難得的機會裡, 可以令你得到該公司的情報。真是一舉數得的時間,所以在這時,應徵者一定要發問問題,但究竟可以問些什麼呢?

對於我來說,我會問:

1. 一些有關該工作職位的資料 - 如公司對這個職位有什麼期望和要求; 這個職位是新增還是替補的... 這些問題都可以表現出你的誠意及興趣,而且你可以知到該公司是否正在增長中。


2. 問一些有關該公司的問題 - 如未來數年,公司有什麼發展及展望... 這類問題可以給interviewer知道你對該公司的興趣之餘,亦可以知道他的發展方向,如會否restructure到國內等...這樣你可以衡量你是否適合該公司等....


3. 可以問一些關於進修的問題及看法,如工餘時間進修有什麼意見...這樣你可以表現你的上進心,同時亦可以得知該公司是否同樣注重培育員工及發展該員工,

這樣的幾個簡單問題,可以令你對該公司有更多了解,亦可以在這個最後機會再爭取多些分數, 你又何樂而不為呢?

返工厭倦症

近期,每一日起身,我都極到厭倦返工,成日係到諗, 究竟用乜藉口可以唔使返工,每日都係床上面掙扎at least 20min...可能我d舊毛病又發作 - 我叫佢做返工厭倦症...

其實我都唔知點解每年都會係10-11月都做出現喱個病徵,總之就係極唔想返工,但個心又會掙扎,因為公司好多野做,又成日要開會....根本唔可以請假(就算真係病左, 都要睇下有乜會要開,如果個會係重要既又或者係我lead既, 都唔可以請假,病住咁返工),而基於責任心同懶惰既心魔互相對抗,結果每朝都好矛盾咁,拖下拖下就會遲最少20分鍾先起身... (基本上,我係一個預時間係剛剛好既人, 預左咁多時間出門口,就會最後一分鍾先起身,所以多一分鍾都冇既人...而係床上磨既時間就係我所有遲到既時間 xD ) ...唉,希望遲過多一兩個星期會好d喇,又或者放下假會好d~因為咁樣返工個心情都唔係咁好,重會影響埋個效率tim....

投資組合的結構

由於我的投資組合主要是用作退休之用,所以若持以優質股為主的話,可能會過於保守,這樣莫說是退休,可能連通脹也敵不過。於是,我就參考坊間一些書籍去設計我自己的投資組合,就是用金字塔的原理分開三層,它們分別是:

1. 月供基金及月供股票
2. 優質股
3. 增長股

第一層是月供基金及月供股票,因為月供可以用平均成本法去平衡風險,亦可以令到自已在花費上更有計劃,再加上無論牛市或熊市,月供都可以無憂地繼續下去,因為定額供款,如股價下跌即表示所購買的股票數量或基金單位越多,所以我個人認為最適合作為組合的底部。

第二層是以優質股為主,而所謂優質股就是以高股息及穩定增長為大前提的股票,我可以透過持有這些優質股收取利息作為收入來源之一。但由於這類股票的升幅可能比較慢,如組合只持有這些股票, 就可能只可以抗衡到通脹而已。正因為這樣,所以在第三層的組合就是我投資組合的增長來源。

第三層主要是持有一些增長股為主,由於中國的經濟剛起飛,很多有潛質的股票都會在香港掛牌,所以我認為我們應把握機會持有這些前影不俗的股票作組合增值之用,這樣就可以令到組合逹到高增長的目的,美中不足的是很多時這些增長股所派發的股息比較低,但可能過了幾年後,他們會由增長股變成優質股亦不足為奇的。

而以上的組合是根據我的目標而設計的, 所以主要是以長線為主。雖則說是長線,但亦要定期檢討一下該組合及作出調整的。

至於中線或短線 (如抽新股等)的買賣,將不會放入組合內。

我的強積金

有朋友問我"為什麼我的投資組合是用來退休之用呢?"為什麼不增加自願供款到強積金而自己另外在投資呢?這樣豈不是增加了額外的管理費及行政費等雜費..."

其實我之前已說過,我原來的投資目的是想抗衡通脹,我亦說過我的轉捩點是在我轉工時。無錯,全因為我司的強積金。

我的公司是採用AIA的超級強積金計劃,它並不是一般的計劃,而是可以令到我們每一位員工都感到非常頭痛的強積金計劃,可能你會問是否太多基金可以選擇而感到頭痛呢?

我的答案是"不",因為我司對我們非常體貼,他明白到太多基金會令到他的員工在選擇上感頭痕,亦明白到投資是有風險的,為了他的員工著想,他為我們細心挑選了兩個穩健到連利率都羸不了的基金給我們,它們是

1. 保本基金 (平均回報約0.5%/年)
2. 保證基金 (平均回報約0.6%/年)

試問在這種情況下(每年回報都沒有1%),不用說抗衡通脹,連利率都要蝕的回報,試問我們一眾員工又怎麼不頭痛呢?我又怎可以旨意這份沒有回報的退休金呢...我想我每月做零存整付及定期,回報都一定好過它,我還要比管理費,行政費等雜費給AIA...

況且我距離退休之齡還有很慢長的時間,所以我的投資目檟亦在那時調整了。

4 most valuable things

今日既英文堂,我地討論有關生命中最重要的4樣東西,其實喱樣野都幾得意,可以比你思考一下其實乜野對你係最重要的,等你有一個反思既機會...,你可以從好多唔同既野都選擇,如money, family, love, enviornment conditions, freedom, health, religion etc...

而我的選擇就係

1. family
2. health
3. money
4. privacy & own space

事實上我覺得屋企人可以分享我所有的樂事或不快的事,亦可以支持我所作的事, 所以family是最重要的。其次是health, 因為有健康就唔會成為屋企既包袱,亦可以用健康既去身體幫助及照顧其他人,而money就係第三樣,因為有錢可以我唔使工作搵錢,所有時間可以做自己鍾意做既野,亦可以陪多d我既屋企人同貓貓狗狗,更加唔使為錢煩我生活上既基本需要及開支,所以佢係排係第三位,至於最後一樣就係自我空間,老實講,我係一個好需要私人空間既人,我每日都要有一段時間去做自己既野,係個段時間我唔鍾意人打擾我,因為我要時間諗野同享受一刻既寧靜,所以喱樣野係我第四個選擇。

至於你又會有乜選擇呢???乜野係對你最重要呢???

投資目的及取向

我覺得每位朋友開始投資時,都會有自己的投資目的,而這個目的可能會隨時間改變。而我剛開始投資時是想抗衡通脹,不想蝕利率給銀行,到後來(或可以說是現在),我想財務自由以便自己提早退休及自組一個理想退休的投資組合(至於原因,會於日後交代)。

而是實上,因為我有這個目的,而影响到我的投資取向。我的取向是:

• 長線投資為主
• 選擇持有優質股及增長股
• 不會沾手期指及窩輪這些衍生產品

無錯,我的取向及心態是穩健為主,所以我個人較鍾意金融銀行股,因為銀行乃百業之母,任何公司開始做生意及融資,都是主力找銀行作伙伴,所以銀行股是我的選擇之一,其次是保險股,試想想,有那一個行業是不用自己出錢做生意,而是你給錢他們呢?保險業正是這種方式經營,所以保險業是我穩健之選的另一選擇。而公用股亦是我選擇之一,因為他們能夠提供穩定的股息及穩健的增長。事實上,股息對於我來說是很重要的,因為將來我退休後,股息將會是我的收入來源,所以我的投資取向都傾向穩健及高息為最基本的。

至於你的投資目的及取向又是什麼及怎樣呢?所能承受的風險又是多少呢?請記住,投資涉及風險,所以投資前應考慮自己所能承受的風險是極為重要的。

選擇優質股

其實,除了月供股票及基金外,我亦會作一些股票買賣,但我所買賣的股票,亦是以長線持有為主的,所以我每次投資都是以一個股東的角度去考慮應否入股到某隻股票,因此,選擇優質股票是很重要的。

何謂優質股呢? 對於我來說,優質股是以下的特質:

1. 公司穩健可靠
2. 良好的公司管理層
3. 穩定派息的公司
4. 穩定的盈利增長

因為如果公司缺乏穩健,那樣如果他的股票被除牌,那樣作為投資者就會損失慘重,所以選擇一間穩健的公司是很重要的。至於有良好的管理層的話,不但令公司的可以有效地控制成本,亦可成功做到開源的工作。但作為投資者(公司的小股東)股息就是非常重要的,因為股息就是投資者的收入,亦是一名股東的投資理由。至於公司的盈利增長是可以令到公司的股息每年得到增長,作為長線投資者,這種的複利息的增長是非常重要的。

所以0005滙豐是我首選的優質股,其次是0002中華電力及0945宏利金融,由於我比較偏好金融銀行股,所以我大部份的選擇是這類股票,至於其他類型的股票,我想0330思捷環球會較為好。可能有朋友問為何沒有中資,國企或H股呢?無疑它們當中亦不乏優質股的特質如0939建設銀行及3968招商銀行,但現在這刻我更想把它們分類在增長股當中。

瑞士之旅 - Luzern

Luzern - 琉森,距離Lauterbrunen約兩個半小時多的火車程,我們在早上約11時到逹Luzern,我們原本第一個觀光點係卡貝爾木橋,去到那裡,發現在很多攤擋係到買野(好似香港既街市),而佢地通當會係下午或買哂佢地帶黎既貨物,就會收當。由於市集就係卡貝爾木橋隔離,所以睇順手818下d瑞士人的街市係點樣的,佢地主要係買蔬果,重有一d自制果醬等東西買,亦有好多好靚既花買,好熱鬧。

穿過市集後,我地就到左卡貝爾木橋,喱條木橋係係1333年起好的,係橋的頂部,你會睇到好多描繪瑞士歷史既版畫(係17世紀畫的真品),但有一d因為之前的火災已燒毀或者燻黑...感覺有小小可惜。而係木橋的柱上, 有好多唔同國籍既人係木橋上簽字到此一遊,有日本人,韓國人,中國人同其他我都佢地寫乜文的人簽名,其實我覺得佢地都幾冇公德心....

行完木橋後, 我地就去我們去參觀埋畢加索美術館。之後就到琉森湖到食Lunch,我地係湖邊的小食店買左d熱狗、漢堡包同汽水啤酒,坐係湖邊到食,發覺好relax. : ) 但係果餐好似好普通咁,但係已經食左成20幾蚊瑞士法郎了。

食完午餐後,我地出發去穆塞格城牆, 途經獅子紀念碑就入去影番張相留念,個石獅子真係好鬼死似真的,好靚...但係獅子紀念碑冇乜特別,所以影左兩張相就繼續去穆塞格城出發及影相,當由城牆回到琉森湖已經差不多5點了,由於車程雖時較多,所以我地都出發返去Lauterbrunnen。

其實我覺得琉森係一個值得留一晚既地方,所以我覺得如果再有機會去,可以安排一晚住宿係Luzern。

儲蓄保險計劃

在坊間,有很多不同類型既保險計劃,其中一類是儲蓄保險,它們的買點就是一個保險到期後可以全數取回供款額或只供一半就可取回全數供款額。

e.g 買一份10年期的意外儲蓄保險,供款總額為每月500元,到期後你可全數取回約50,000元供款額,賣點是供款10年裡,可以賺取意外保險,而10年後又可以取回該筆供款。

e.g 買一份20年期的儲蓄保險,總供款額為100,000元,但到保單到期後,你可以取回200,000元,賣點是只供一半就可取回一倍多的回報。

其實兩者看似很好,尤其是例子2。但當你細心想想,就會發現如你參加了這些計劃,你會損失了複式利率回報。(而複式利率回報之威力是除着時間而增加的,時期越長,所得的回報越高)

所以我個人認為如果花錢在保險儲蓄計劃上,不如買一份純人壽保險+月供基金/月供股票,到10年或20年後的回報一定比保險公司提出的高。

轉按問題

唔經唔覺,我層樓既按揭罸息期巳經過左,又係時候開始諗下轉按既問題。事實上,我依加做緊的按揭優惠並不太差,都有P-2.75%既,但係近期有好多銀行都做緊P-2.9%,所以我有d朋友都叫我去同銀行傾傾,等佢減番比我...

老實講,我就覺得唔係好大分別,講緊都係百幾二百蚊一個月。但近期引起我既注意力去諗轉按問題係用同業拆息(HIBOR) 既plan,通常佢地會係一同業拆息比率 H計,之後會在加...e.g H+0.45%...而近期銀行水浸,所以同業拆息以11月15號計,1個月拆息只係3% (恒生)...計落供款利率只係3.45%比起一般最優惠利率低會低好多,但問題就係供樓者一定要對利率走勢熟先好...

我諗等我搵個星期六早上,去多幾間銀行走走同問問先得...

面試的答題技巧

在面試的時候,我們常常都會被問到以下的問題:

1. 過往及現在的詳細工作內容及範圍?


2. 為什麼會轉工?或什麼原因令你有轉工的想法?


3. 你對你的工作有什麼期望?


4. 你現在的工作令你有什麼成就?


5. 你有什麽優點及缺點?


6. 為什麼要聘請你?

等等、等等....

老實說,我不打算在此討論答案,因為每個人都會有不同的答案,所以這一部份真的是要靠各位自己去想想及預備答案。

但這樣,我又為何要開一篇網誌去打幾個字呢? 其實,我想在這裡討論一下答這些問題的一些技巧。而這些技巧會令你不其然產生一個好印象給你的接見者。其實,一個流暢的面試過程,你會發現你的接見者其實不會問你很多問題,因為他可以從你所說的內容得到他想要知道的東西,所以大家如果可以利用自己的對案自然答出一些影嚮大的題目,不但可以使整個面試流程更加順暢,而且從接見者的角度來看,你可以令他覺得你是有充足的準備, 亦不會有問一句答一句及Die Air的情況。這樣,你所給接見者的印象是否和其他的應徵者少許有多一點的分別而令他更深刻呢?

機會

人的一生中,常常都會有一些不同的機會放在面前,但當擁有機會的同時就要面對決擇。有些時候,抉擇是容易的,但亦有些抉擇會令到你不知所措,因為很多時,機會可能要用一些理所當然的東西去交換,但你所換來的東西是未知的,可能會是更成功,但亦可能會比現在更差。這樣,你又會否懷著一份忐忑的心情去把握這種機會呢?如不會,你又會否後悔不去把握這些機會呢???

瑞士之旅 - Grindelwald

到左第四日, 我地就去左少女峰區既另一個著名小鎮 - Grindelwald。 除左Interlaken同Lauterbrunnen, 喱個小鎮係另一個可以跓足的小鎮,但由於日本人多數鍾意係Grindelwald到跓足,之後去少女峰,所以我覺得係喱個鎮既食同住宿都比Lauterbrunnen貴。


另外,佢同Lauterbrunnen一樣,都係要係 Interlaken都轉車去,但車程比Lauterbrunnen 耐, 由Interlaken 到Lauterbrunnen約20分鐘,但由Interlaken 去Grindelwald要差不多1個鐘頭,而且班次(出入都係)都比Lauterbrunnen 疏。所以雖然好靚,但基於唔方便同貴既原因,我只選佢係其中一個旅遊點. xD

係果個小鎮,其實就唔係好大,但係有幾條登山纜車,我地就選左1條叫First既。由於我地係買Swiss Pass,所以纜車飛有50% discount。來回車費都係CHFr24/person. (如果行山可以唔使買來回車飛),我覺得都幾底玩。

係果日天朗氣清,其實都幾適合行山,所以我地見到好多人係果到行山同影相。我地係山上約逗留左半日,跟住就坐返纜車返落山,但如果行山,我諗可以係喱個小鎮玩1日。

之後下午,我地就返到Interlaken坐boat trip 去 Brienz。同係果個小鎮影左一陣相,約6pm左右搭火車返去Interlaken行街同搵野食,之後就返Lauterbrunnen 既酒店休息。

新 wireless router

今日,終於買左個新既wireless router。剛剛完成setting,發覺上網速度or load 圖速度既比之前快左好多...

原來我之前成日覺得上網慢係唔關netvigator事的,只係自己個router慢...等我重怨左佢好耐tim... XD

除左快左外, 我依加可以拎住我個PocketPC係全屋到周圍走上網,真係勁方便.XD
Good!

寫blog的難處

係以前,我成日唔明點解d人可以寫咁多野,我一路認為諗寫乜好難,因為要自己一個人不斷咁去諗要寫d乜,但係我發覺,原來寫blog最難既唔係諗寫乜,而係點樣用書面語去寫番d野出黎,不竟我地已經放低書包好多年...有時想寫d野正經d, 所以會用書面語,但又出現另外一個嚴重既問題,就係唔識寫個中文字,真係大鑊....所以係寫blog既時候,成日都要花好多時間諗番個字點寫...(有時重要查字典,但都重有好多錯字...真係要惡補中文先得.... xD

當然如果寫d輕鬆野就緊係用番口語化去寫,不過同樣都有果個問題 - 唔識寫個字....唉...中文...真係要努力努力... 大家若然見到有錯字,就請多多包函。(又一個要查字典先識寫既字... 唉!)

投資理財

我們常常聽見投資理財,很多人都認為有金錢才需要理財,因為理財是管理財務的意思。但我個人覺得其實理財才是第一步。

要投資就必須先有資金,因為投資就是用你的資金,及不同的投資方法去賺取更多的金錢。但如何才會有第一筆資金呢? 無錯就是儲蓄 - 亦即理財的第一步。

老實說,儲蓄是一個很簡單的方法,但又最難做到的,因為很多時,我們都會將辛苦儲起的金錢,在一次不經意的情況下被物質誘惑而揮霍了(對於我來說,這個情況是非常嚴重的),所以在這個時候理財是非常重要的,因為適當的理財可以令到我們在生活花費上更有計劃,從而可以更清楚地去管理自己的金錢,好讓積存一筆資金。

股票、賭博

在我身邊,有一些朋友會每當聽到別人談論股票時,就會不快的,無論月供定平常的買賣,他們一律認為是不當的行為。所以我從來沒有在那些朋友面前說投資的任何話題,但有一次我好奇地問: "為什麼你認為投資是不當的行為?" 經一問下,才知道在他們眼中,投資就等同賭博。

老實說,我從來都不會去干涉人家的想法,當然今次亦不例外,我只草草地回應了一聲"哦!" 但心想,他們可能將投資同投機混為一談。對於我來說,我投資股票並不是抱著投機的心態,我從不喜歡短線出入,我的目的只是想利用股票去抗衡通脹。但反觀現在大部份的人都是投機的,以短線獲利為主,所以常常因為跟貼市場而影響工作。難怪那些投機者令到我那些朋友有這種想法及對人們買賣股票這麼反感...

全民皆股

前兩日,剛剛睇到一份報章是說一些小股民越來越瘋狂,並且進入全城熱論股票,及出現"病態股民"的問題。報章指出一般病態股民的心態多數同好賭人事一樣, 常常抱著"有市未為輸"、"存錢入股場"、"抽新股實賺"等心態買賣股票。而這個病態的高危人士則是高學歷及高收入的。而當出現以下5種或以上行為時,你可能巳經是病態股民。

1. 日夜睇股市上落
2. 後悔太早出貨、賺得唔夠多
3. 當不注視股市的上落時,會坐立不安和有安全感
4. 要借貸買入股票和金融衍生工具
5. 只買高回報股票不會理會所謂風險管理
6. 因買賣股票而忽略健康/家庭生活/工作/學業/人際關係
7. 不惜犯法都要參與股市活動
8. 會跟隨"股神"貼士而買賣股票和金融衍生工具

其實投資應以理性分析和正確的理財原則從事股票的投資活動, 所以,一個合理的投資者是看長線的及買藍籌股收息的。至於你又是那一種呢?

月供基金 vs 月供股票

很多朋友問我,如果要選擇一種月供計劃作中長線投資,究竟月供基金好定月供股票好?

其實,各有各的長處(strength points) and 短處(weak points)。就等我分享一下我的想法,好讓朋友作出選擇。

月供基金
Strength point:

1. 可以選擇一些自己不熟識的地區或行業去投資當地的股票。


2. 有基金經理負責打理該基金的一齊,投資者共需每月準時入錢到銀行及每隔一段時間檢討一下投資組合即可。


3. 分散投資,減低風險。


4. 隨時可根據當時價格贖回基金。

Weak point:

1. 手續費及管理費高(多數已反映在基金價格)。

Comment for investment time

最好投資不少於3-5年。

月供股票
Strength point:

1. 可以平均風險購入香港的高風增長股。


2. 可以平均每月購入香港的大價股,從而儲夠一手股票亦不會損失升幅。(e.g 年初想儲錢買1 手港交所,當時約四至五萬多元,假設到了今天,銀行已有存款五萬多元了,但現在要十二萬多1手,但假如開始了月供,至少在月供戶口的股票一樣升了值)


3. 投資者容易緊貼大市


4. 沒有代收息及存倉費,所有雜費亦已在手續費內。

Weak point:

1. 售賣時,碎股價格可能會比股價低幾格。(視乎月供銀行)


2. 單一投資(只月供1隻股票)

Comment for investment time

沒有時間限制,但最好供夠一手或以上先停。

面試技巧

我想大家也試過,在一些公司獲得到面試機會,但很多時沒有下文。究竟在面試這方面有什麼技巧呢?

老實說,面試只是短短數十分鐘的交談, 在這段短時間裡,對方根本不能完完全全地知道你究竟合適與否, 所以機本上可以說有70%是靠當時應徵者的表現及應對。但如何可以表現到最好給你的接見者呢?這些就要靠餘下的30%的準備工夫(即我今次所分享的那些所謂技巧)。

在分享技巧前,其實我想各位想一想,假如你是老闆,你為什麼要聘請人呢?為什麼要比數千元或數萬完請一個員工呢?其實答案很簡單,就是每個老闆們都想請一位能幹又對公司有貢獻的員工,尤其是對一些工作要有數年的工作經驗才會聘請的職位。

很多人只會在面試交代現在或之前的負責工作,亦只是說出平時的工作範圍及負責工作,但在整個對話中,都沒有說出或表示出究竟你對公司有什麼貢獻或任何的增值value added在工作上。或許這樣可以獲得一些初級的職位,但若是應徵一些高級的職位,結果當然是等消息,因為世上就有一些人會懂得表逹這些給面試的公司知。

所以面試的技巧就是要表逹出你對工作的增值能力及公司的貢獻。而這些貢獻及增值就是靠各位想轉工的朋友想一想及準備了。

至於衣著方面只要整齊及帶齊手錶,應徵文件及原子筆就可。如何應對,就視乎當時他的問題了。
(面試會發問的問題,我亦會遲些作一些分享心得。)

月供基金 - 進化篇（投資新計劃）

轉眼間,我的月供基金再次供了3年時間,由於今次我的基金是由全球地區轉為主力H股,所以今次基金的威力更加大, 竟然可以有超過100%增長。

在2001至2007年間,雖然我每月只是投資數千元,但我個人覺得這個計劃不錯,原因之前已經說過。但我在這6年間,並不是只做個不聞不問的人,而係這段時間裡,我亦開始學習怎樣去投資,亦定設立投資的目標。

然而我的工作比較忙,所以對我並沒有太多時間花在投資這門學問上,只是間中做一些買賣, 但2006可以說是一個轉捩點,因為我轉工了,轉工除了因為收入增加了,亦另我有更多時間投資股票及多些時間做研究。

由於薪酬多了一點點,而我亦月供了2隻基金, 所以我不打算作增加月供基金的數目。取而代之就是開始研究月供一些本地股票,我從前不開始是因為我覺得碎股難處理,而另我卻步。但在2006年時,我眼見中國人壽及中石油,常常不回頭地飆升,而令我產生月供股票的念頭,亦因為這樣,我由月供基金的同時,亦開始了月供股票作長線投資。

而我的月供投資計劃亦在此進化了。

月供基金 - 回報篇（初次收成）

由於剛開始做月供基金的我，是完全沒有任何投資知識，但我本著”不想銀紙貶值”及”制止自己過份花費”的理由，去嘗試這個月供計劃，但始終自己什麼也不懂，所以就選擇了環球高增長基金，當時的我覺得環球基金可以平均買入不同地區的股票，好似風險比較低，所以就選了這一隻。在月供計劃的頭2年，我完全沒有理會過月供的一切，只是每個月轉錢入銀行繼續月供。

經過3年的計劃，我的儲蓄亦開始有所收成。由於我當時需要一筆金錢作為進修之用，所以打算贖回我的基金，而粗略計算由開始到贖回基金時所得的回報，亦有差不多20%的利潤。當時己覺得這個儲蓄計劃非常好。

1. 姑勿論有幾多升幅，但至少我可以由零開始，有恆心地儲起一筆錢
2. 我亦可以有我以料之外的利潤

其實當初我只是本著試下的心態去投資月供基金，而我當時亦作好了投資可升可跌的心理準備，但我心想就算升可能只會是約 8-10%左右，但竟然可以喜出望外。所以當時的我一方面贖回我的基金外（但沒有停該月供計劃），另一方面我增加多了一隻月供基金，而這次我就選了一隻比較高風險的H股指數基金。

瑞士之旅 - Bern

第三日，我同亞Step一早就起身到Interlaken West ，由於我地係買Swiss Pass，所以我地可以免費坐遊輪遊湖，而我緊係唔執輸，安排番一兩次遊湖活動喇。而今次就係由Interlaken West 出發遊覧Thunersee然後係Thun落船再搭火車去Bern。


由於遊輪既班次都幾疏，但好準時，所以我地就把握開船前的４５分鍾係Interlaken West到市內觀光。 由於當日天氣唔係太好而且有微微雨，所以都幾凍，而我地就係靠係街度既溫度計知道當時幾多度。























到差唔多開船既時候，我地就返到火車站則既遊輸碼頭上船出發，係船上既海風吹埋黎非常凍，而當日既天氣唔係咁好，但都可以睇到湖邊的景色（如果大霧睇唔到湖邊的山境的）。





到了Thun後，我地就坐火車到瑞士既首都 - Bern （伯恩）。去到伯恩，天氣明顯同Interlaken唔好，好好天。而係係喱個被列為世界文化遺產既城市裡，我同亞Step都感受到以前中世紀的文化同氣息，而這個城市亦比瑞士其他的城市或小鎮更有老城的感覺。

全職、兼職炒股

看到不少關於財經的討論區裡，常常看見一些朋友說辭工全職炒股票，因為可以每個月都出雙糧。無錯，係這個大牛市裡，的確很容易賺到快錢。但大家有沒有想過大熊市會怎樣呢？而且全職與兼職不同，所受的壓力亦不同...

老實說，如果自己仍然有份正職，就算股市有一些比較大或較長的調整，大家都不會不安，重可以不斷有新的水源趁低吸納，因為大家始終每月都會有一份穩定的收入，不會影嚮到大家的生活。相反，如果沒有這份穩定的收入，當遇到這類調整，就很有可能產生不安、憂柴憂米或睡不到（好），甚至乎要將自己手上的優質股蝕本出售，那又何苦呢？

可能有些朋友說，要把握機會去賺盡個勢，最多在熊市到來時再找另一份工作...但既然熊市到來，即表示經濟不好，是否真的如此容易找到工作？又或者是否真的可以以相同的要求待遇覓得優差呢？（至少有時間給你在開市及收市時炒股的優差。）

如何獲得面試機會

我身邊有很多朋友都說：我找了數十份工，但全都音訊全無，沒有獲得面試的機會。覺得很不快或心灰。

其實，除了工作範疇是否合適，自己的工作經驗同學歷是否逹到要求（如學歷不夠其實經驗是可以撘夠的）等等這些必備條件外，最重要一點就是你們的求職信。

現今這個科技資訊發逹的社會，很多時都可以從網上直接申請到工作，而他們所做的工作只是按個申請鍵，網上就會將你所預設的資料email到該公司的人事部十份方便，我也覺得這個求職方法很簡單。但我認為這個方法很難突出到你，試想想，那些在人事部工作的人在這麼方便的情況下，可想而知，他們會收到多少封一模一樣經互聯網的求職信。 而他們又要在那些一模一樣的email中，找到其中的一個你，是否真的這麼容易？老實說，一份好的工作，真的會有很多競爭對手（可能超過100封），所以我覺得一封好的求職信是必需的，所謂好的並不是在坊間中可以在那些求職書中搬字過紙，然後寄出，而是真的用心寫。

可能你會問，這樣便十分困難，因為根本不知從何入手，亦不知該公司需要什麼員工。而我的答案是不...

其實你們在找尋工作時，你們是怎樣挑選工作呢？就是在那份求職廣告上，去找那些工作的要求。這樣你便知道自己是否合適那份工作。所以每次你們寫求職信時，就要針對那份求職廣告的各點要求，加上你重要工作經驗，再利用坊間的書作一個參考去修飾每句句子，這樣你在那百多封的求職信裡，就會比其他人更突出了，從而增取到面試的機會會更多。

而當然用最傳統的方法－寄信（用一些比較特別，但不誇張的信封信紙）亦是一個好方法。

求職心得的分享

今晚同友人食飯，閒談間他們突然問我求職有甚麼心得同技巧？

我好奇地問，你為甚麼問我呢？我說：坊間在不少求職的書教你怎樣去面試及應對，為甚麼不去買一至兩本回家參考。而友人就說，因為我的求職成功率高，說我每次轉工都可以同時有數個職位等我選一份我認為最好的。即使我要求的代遇比他們好，但仍然比他們容易受僱主的採用，所以想問我有甚麼技巧。

其中一友人還說笑地說，每次見完我後去應徵，都會成功。所以就鼓勵我寫一下求職的心得。其實我沒有看過坊間的書，但我都好樂意分享一下。但我自己亦不是見太多工，只是命中率高而已...

就等我分享小小愚見。

月供基金 - 起始篇（如何開始）

其實我早在二零零一年已經開始月供基金。而當時由於經濟不太好,而且也是剛到社會工作。所以入息同儲蓄不多，所以當時常常想為自己儲備一筆金錢用作進修，可是我又覺得將儲蓄放在銀行只會將積蓄貶值。但就在那個時候，我經過某大銀行一分行，而且他們正在宣傳綜合銀行戶口，而其中一項係可以用戶口月供基金。我當時即被月供基金所吸引。所以二話不說即將我的小量積蓄帶到該銀行開立那個綜合戶口（有最低開戶存款），並同時申請網上銀行（當時來說，可以說是ebanking並不是太普遍，但我就貪方便一同申請）。

而當網上銀行可用時，我就立刻開立了月供基金戶口，但當時的月供計劃是每月最少月供HKD1500.老實說，當時HKD1500對於我來說可以說是非常之多（因為人工低），但我仍然堅持每月供款，可是我完全不懂去做紀錄，幸好我還記得何時開始，就用這些緊有記憶去粗略計算每年的回報，而每次都令我感到滿意。

月供股票

一年前，我開始了我的月供股票計劃，而月供的股票多是中資股。當時身邊的朋友都說月供手續費貴，又說碎股不好，難買賣，但一年後的今天，我檢討我手上的月供組合，我發覺我大部份月供股票都有可觀的升幅。而且平均買入價亦比市價便宜得多，雖然，我一日未賣我的股票，都不算是賺了錢，但至少，我可以用月供的方法儲了一筆錢。

現在明天有可能是開始跌市，如果是的話，我決定加大我今個月的月供組合，好讓現在趁低吸納。：）

誰偷走了我的午餐

今日,我同亞Step去美心快餐食食lunch...咁我叫左一個咖喱牛腩飯食,而亞Step就叫左一個其他野食。

咁由於人多,我地就要等攞食物,係喱個時候,我就去左搵位先,咁亞Step就等買野食....而我坐低坐一陣,佢就攞左佢個午餐,放低之後,就跟手去攞埋另外一個...點知出到去,個亞姐話個細路攞左....亞Step就同亞姐講..."我唔識個細路..." 跟住佢番黎我就覺得奇怪點解佢出去攞(係佢攞左第一個飯翻黎時佢話已經有)咖喱牛腩飯要攞咁耐,番到黎又週圍望...跟住佢同我講話有個細路攞左佢個飯...
跟住我問係咪果個,因為全舖得兩枱有細路,而食咖喱牛腩就只有佢地果枱...最搞笑係佢同另一個細路(估計係佢細佬...)同佢個睇起上黎似國內人事既亞媽三個人叫4樣野食....我望下佢地,果位貎似國內女士的亞媽,重怒啤我...

佢咁樣更加令到我覺得佢地係趁人運送食物時,偷偷地攞左其他人d野食...雖然我冇証據...(只係可以話佢地可能1個大人+2個細路食4樣野同咁啱叫左咖喱牛腩飯),但我覺得如果佢地真係咁樣攞左人地d野食,就真係唔知道佢第時的細路會變成點...

瑞士之旅 - 少女峰

到了第二日，因為天氣好的關係,所以我就立刻根據我遇先安排好的行程去少女峰... 而喱張就係Jungfrajoch 既全景相。

當日天氣唔算凍(我指係少女峰)，氣溫由零度到3度。我地由Lauterbrunnen上去少女峰都用左差不多兩個鍾上去，我地一去到就係去睇個冰宮先，由於瑞士都係日本人鍾意去旅遊既地方之一，我地係個到遇到一對中年既日本夫婦，佢地就孟禁gelegulu咁，原本佢地以為我地係日本人係咁用日文叫我地幫佢地影相...起初我地都唔唯意架，因為我地係行係佢地前面，根本唔知原來佢同我地講緊野...

參觀完冰宮後，我地去左車站既露台同斯芬克斯平台到影相

而我地約留左戶外留左約廿十分鍾，就番入車站內係世界最高既郵筒寄左張明信片比Step既屋企人。

係車站裏面過左一陣，Step就開始覺得好唔舒服，可能係高山症，跟住我地就搭車走，而當Step到左小雪德格時就好番好多。

雖然我地係少女峰只係逗留左１個鍾左右，但我地小雪德格果到都玩左一陣同食左當地ｄ小食，好好食，所以第二日，整體黎講，我地都玩得好開心。

瑞士之旅 - Lauterbrunnen

Lauterbrunnen - 勞特布魯嫩（又稱瀑布鎮）係我瑞士之旅既第一個落腳站。而我亦花了行程既一半時間逗留係喱個小鎮，或者應該講，我係用喱個小鎮作為一個基地或中心點，然後到周邊既小鎮遊覽。






喱個小鎮並唔係太大，沿途都有很多酒店或民宿。小鎮裏亦有一間規模不算大的超級市場，十分方便。我們所住的酒店是距離火車站約１０分鍾行程。酒店地點不算難找，而房間十分寬敞及清潔。而房的景觀亦十分美麗，可以係露台度睇見其中一條瀑布，非常壯觀。




由於喱個小鎮既火車站並唔係主要既車站，所以如果我地要去其他地方，都雖要係Interlaken轉車，而Lauterbrunnen同Interlaken既車程約２０分鍾，每小時有兩班火車往返。由於瑞士的火車係好準時的，所以好容易就預到時間。


我地留係Lauterbrunnen一共５晚，主要都係日出晚歸。但係係瑞士食飯係非常昂貴，所以我地有時會係Interlaken的超大的超級市場買兩隻燒雞脾番酒店做餸，而主食就係食由香港運過去的杯麵。當然緊係唔可以冇左我既至愛飲品 - Beer喇...(直望藍色果罐就係喇 )






但咁遠去到，當然唔會餐餐都係咁去刻薄自己喇，所以我地都會出去食好野。而最後留係Lauterbrunnen果晚我地重食扒tim呀, 不過真係好貴～

瑞士之旅 - 十天行程

係8月尾時,由於公幹要去瑞士關係，所以就趁這個機會，自己stay behind 同Step係瑞士作深度遊。而當時既行程就如下：

Day 1 - Hong Kong >>> Zurich >>> Lauterbrunnen (Hotel Staubbach)
Day 2 - Lauterbrunnen >>> Jungfraujoch >>> Interlaken >>> Lauterbrunnen (Hotel Staubbach)
Day 3 - Lauterbrunnen >>> Thun >>> Bern >>> Lauterbrunnen (Hotel Staubbach)
Day 4 - Lauterbrunnen >>> Grindelwald >>> Brienz >>> Lauterbrunnen (Hotel Staubbach)
Day 5 - Lauterbrunnen >>> Luzern >>> Lauterbrunnen (Hotel Staubbach)
Day 6 - Lauterbrunnen >>> Montreux (By Golden Pass) >>> Geneve (Hotel De la Cloche)
Day 7 - Geneve >>> Lausanne >>> Zermatt (Hotel Stockhorn)
Day 8 - Zermatt >>> St. Moritz (Glacier Express) (Hotel Sonne)
Day 9 - St. Moritz >>> Maienfeld >>> Zurich (Hotel Martahaus)
Day 10 - Zurich >>> Rheinfall >>> Zurich >>> HK

而係這十天，我地都玩得好開心。等我逐步post番出黎～

新的網誌~

哈哈~

在此重新開舖先得~