日本料理自助餐

今日,我同亞Step去食一間為於中環既日本料理到食自助餐。喱個自助餐係週一至週四會比較貴d, 因為多野食d... 佢會有3大主題比你揀,分別係爐邊燒,鐵板燒同火煱, 而揀法就係一人

可以揀一個主題,所以3個人以上去就可以叫哂佢地既主題,至於日本料理,就緊係可以任食刺身,手卷同壽司架喇,個個主題包埋既。除了主題食物外,週一至週四重可以係田螺焗薯蓉同燒汁鮑魚中選一個,當然都係每人選一個。


而由於我同亞Step都係得兩個人,而天氣亦頗熱,所以我地決定放棄火煱,而選了另外兩款...


我地首先黎個刺身併盤, 好新鮮,好好食, 食完可以再order多一個.....之後我地又係咁叫其他燒物,燒蠔同醬燒茄子都好好食....其他野食都唔錯...可以用好好食黎形容。


比d menu大家睇下.... 如果唔飲茶(玄米茶), 可以叫其他野飲... 但要另計.... 亦可以開支紅酒or白酒 (唔記得同個meun 影相....),都係HKD2xx至3xx,有半支裝,唔使一舊水,由於得我一個人飲,所以半支裝原本好理想, 之但係我唔係咁鍾意飲Merlot,而半支裝就只得Merlot...所以就算, 飲玄米茶,

而套餐重有甜品送, 有沫茶雪糕, 芝麻雪糕, 芒果雪糕, 豆腐雪糕同紅豆雪糕,最後我地都係揀左豆腐雪糕~ xD


招呼方面幾好, 常常幫你加茶, 叫野食幫你落單都好快手~
綜合各方面, 食物質素, 食物美味程度同Services,都係一流的~ 值得推介。