馬爾代夫之旅 - 8

至於最後果日,我地要約下午7點離開酒店,所以我地就只係周圍行下同影相 (雖然其實日日都有影),但果日真係有D唔拾得既感覺~

我地重係到諗, 下次要再黎過~

馬爾代夫之旅 - 7

至於去游水同水上活活方便,我地除左係infinity pool到游外,我地重有係自己既酒店到玩浮潛同跟教練出海玩浮潛, 睇海豚,但好地好唔好彩,睇唔到海豚,其實佢地如果睇唔到,會安排第二日免費睇過,但係我地因為要走喇,所以就無得睇....

所以如果你地去睇,就記得第一日去既時候好安排睇海豚,如果唔係就哂左D錢架喇....

酒店既infinity pool,係果到游水望出去好似係個海到咁架~

我地重有係酒店到玩喱樣野,好難玩,成日係個海到自己轉,好辛苦先可以爬返上岸....

同自己浮潛,你睇下有魔鬼魚BB同鯊魚BB tim呀~

至於出海浮潛,真係好大浪,要用好多體能,玩原果日真係唔想在動,但值得既,因為海底世界好靚...如果識潛水就更好~

馬爾代夫之旅 - 6

其實係馬爾代夫,都主要係食,游水,影相,哂太陽同睇書,真係好relax同hea~

係食方面,本身個package係BB,但優惠自動升級做half board (即早餐+晚餐),但我地就加錢upgrade 埋做full board ((即包早午晚三餐),但其實唔洗架,肚餓自己比錢食都唔係好貴,而且好好食~

等我地睇下有乜食先 (但我地好多都唔記得影, 哈哈)

佢地重送左個蛋糕比我地食tim,但唔知點解一upload上黎就變左打直????

馬爾代夫之旅 - 5

第二朝一早,我地就好早起左身,因為覺得無理由唔享受下馬爾代夫既陽光,所以我地約當地時間既7點幾就起身,其實係香港都差不多10點幾架喇~

我一起身就望到喱個畫面 (對唔住,我影得唔好,但當時真係好開心同震撼,因為眼前既景色真係好靚)

梳洗過後,我地就走出我地既房準備去食早餐,喱到就係我地間房既門口,行前D望返轉頭,就可以睇到一排既水上屋~

行過橋時,影左個倒影相, 同大家say 個 hi~ 哈哈~

因為第一晚到時已天黑,所以依加先補影返間酒店牌~

馬爾代夫之旅 - 4

我地係住係一間叫Anantara Resort (Veli Island),係比較平既水上屋,因為係package 既優惠,所以只係paid 3 have 4 night,真係very good~

初初都擔心房可能唔夠其他靚, 但去到睇又唔係喎如果喱個價錢,我覺得好靚好得下~

喱到係一入去既門口, 望入去就見到我地張床~

而因為去既人多數都係渡蜜月,所以張床都會整D玫瑰花瓣係到,重會有個welcome fruit, 但我地去係慶祝結婚週年,所以其實佢地係比錯我地既,hey hey~

之後就去睇下個廁所,浴缸同沖身,真係好正,其實佢有兩到門,一到係通向房,另一到係出露台,果到可以直接落水架~

好正,而洗面盤又有兩個唔使爭, 哈哈~

馬爾代夫之旅 - 3

隔左差不多一年,終於得閒繼續寫~

我地一早起身做好準備,約下午2時許到逹機場,準備搭星航到新加坡轉機到馬爾代夫既首都馬列。
因為係四點機,所以我地係就係機埸先食野同hea一陣, 到3點幾就懷住興奮既心情入閘同登機~

機程會係3個鍾左右,到逹新加坡後,就會立刻轉另一班機去馬列。

而馬爾代夫同香港係有約3個鍾頭時差,所以我地去到馬列時,其實已經係香港既零晨1點幾, 之後我地重要搭約35分鍾既Jet boat去酒店...

到逹酒店後,就有兩杯好好飲既welcome drink - lemon lime soda黎歡迎我地(杯野好好飲的),同等check-in,到攞到房時已經差不多係香港時間3點鍾,第一日就係好攰既時間度過~

馬爾代夫之旅 - 2

星期一就係出發既日子喇，但係我地依加既心情已經好輕鬆，因為假期係今日開始。但今日會比較忙，因為我地乜都未買，所以就忙住去買野，例如太陽油呀，防曬用品，沙灘褲呀等等，至於浮潛用具，雖然酒店有提供，但我地都係打算自己買私家的，所以今日既行程特別忙碌。

今晚同聽日，我地就會開始執行李喇，到星期一訓醒就起程～

馬爾代夫之旅 - 1

由於工作繁忙，所以好耐都無放過假了，但公司規定要係3月前放哂我2009年既年假，否則就當自動放棄剩餘既假期，所以係12月尾時開始plan我D假點用...

過去一年，工作壓力比較大，所以希望假期係relax為主，而陽光海灘就最好不過喇。正當苦思去邊到好既時候，我家姐就提議不如去馬爾代夫，因為佢之前去玩過好好玩。果刻個心都動左一動，因為馬爾代夫其實係我其中一個諗過去honeymoon既地方，但當時最後揀左去紐西蘭。而隔3年後，咁arm又到我結婚週年紀念。於是事不宜遲，立刻搵下有邊間Resort平靚正。

我係聖誕果幾日假期裡面，上網睇左好多關於馬爾代夫既資料同睇左SIA既package，亦都去左銀行中心到攞資料。但睇完D資料，其實跟團同自己去差不多，諗過無謂為左有人幫我安排出入境等等就要比小費領隊，所以都係自己買package好D。

經過一輪研究後，發覺去馬爾代夫價格相差都幾遠，最平的7千幾8千既酒店都有。但去馬爾代夫玩既話，可以講話係一分錢一分貨，而且我想住水上屋，所以我地都係決定去D中價D既酒店。初初選擇左一間幾鍾意既酒店，但係SIA無做到任何promotion (stay 4 pay 3 night 優惠)，反而Srilankan holidays有，所以就報個價同睇下個flight schedule點，但由於flight schedule 太差，所以諗住放棄去買SIA holidays既package，因為星航既時間真係好好多。但可能太遲book既關係(我12月尾book 1月中去)，所以問左個agent幾間酒店都full左...諗住不如重新再plan過等用early bird既offer。

諗住放棄之際，點知之前問Srilankan holidays promotion個agent話可以改Airline, 而且改成星航，所以立刻扑鎚去馬，就係咁我個馬爾代夫之旅就會係1月中出發了~

Yeah!

日本之旅 - 5

我地一早起身到黑門市場(好似街市咁)逛逛，市場即係市場，果然係果度買既野係平ｄ，所以可以講係買手信既好地方。行完一輪後及買好左手信，我地就係附近既UCC到歎番個西式早餐，好好食，而且杯咖啡更加係無得彈，正！



食完早餐後，我地就搵左個代表返去酒店放低手信（因為可以慳返ｄ時間同唔使咁多人一齊行），而我地係等代表時，發生左一件好搞笑既事，日本既女厠係有個警鍾的，如果有事時可以即刻按制，我亞媽為左爭取時間，係等人時自己去左廁所，去完之後，佢諗住搵制沖廁，但係只得一個制，佢諗都唔諗就按左一下，之後成個商場既”食招”都衝到黎睇下乜事，我地不斷道歉，但場面極之搞笑。

當代表返黎後，我地就出發去我地係日本最後既一個景點－大阪城，係相中既現在地就係我地當時身處既地方，冇錯，我地就係要行咁遠去，途中我地要上一條好長既樓梯同一條都算望唔到盡頭既林蔭小路。



由於有老人家在，我地一行人行左約一個鍾頭（途中行下，停下，重有餵下白鴿咁)終於到逹大阪城喇。



我地係城內參觀左大約２個鍾，就係城外既小食店到食午飯＋下午茶，然後離開。


之後我地返酒店攞返行理就坐子彈火車回名古屋，而我地上火車前買左兩個好靚同好似好好味既蛋糕上車食（但唔記得影相），雖然車程約１個鍾頭，但食完兩個真係好好味既cake後，都差不多到站落車了，跟住就去返第一晚住果間酒店check-in，抖左一陣，我地就事旦搵間居酒屋食晚飯，然後就返酒店訓。

到左第２日係酒店check out 後，我地就到車站既廻轉壽司店食壽司，你睇下條鰻魚壽司幾靚，哈哈，食完午飯就出發去機場同返香港了。



後記 :整體都好好玩，同ｄ野好好食，但就係貴ｄ，尤其係車費。但作為一個為食團同for 老人家既團，可以講係唔錯既relax 之旅，因為每日只係行１個景點 XD，但記得個老人家唔可以有腳痛問題，因為都行幾多路架。:)

日本之旅 - 4

到左第四日，可以講話係我地就辛苦既一日，因為我地由朝到晚都係環球片塲到趕睇劇場...



其中既 4D劇場我地重睇哂當日兩場（上午既係史力加，而夜晚既係芝麻街）真係好立體，好正。除左4D外，我地都有睇其他3D劇場，但都係覺得4D好睇ｄ。XD


當然重有好多其他既劇場喇，其中有一ｄ好搞笑既事發生，話說我地去睇Backdraft ，咁佢地就佈置返ｄ場境出黎，而其中有一幕好幅真的，咁我地就企係條用鐵整出黎既走廊到，原本我隔離企左個好大隻既日本人／韓國人。初初企得好近，點知第一爆時，佢成日人彈開左，到第二爆時，佢真頭退後幾步，到最後時，因為想做到迫真效果，頭頂會有一個好似跌落黎既油桶，佢重成個人彈開，完左後，佢身邊半徑一呎範圍內係冇人，因為比佢彈開哂，好搞笑。



最後，我地睇埋小飛俠劇場（真人係海上吊威也，扮飛黎飛去，好勁）同煙火表演，當日既Universal Studio就關門，跟住我地就返酒店附近既居酒屋食晚飯。