飲得太多?

近期,公司有Annual Dinner,又有fairwell dinner,連一向愛飲酒既我都覺得自己飲得太多,身體有少少頂唔順既感覺...

但其實真正覺得唔舒服係又有一位同事離開公司,佢係公司已做左6年,但今天都要離開,其實係早半年前已有一位做左7年既同事離開,依加又有一個,其實我都做左好耐野,都遇過好多同事轉工離開, 但始終分離都係有d唔捨得,尤其是係我喱位同事...

其實佢真係好好人,我記得我剛轉工到喱間公司時,我的英文好不濟,係睇同寫都尚算ok,但當要講同聽時,真係死左一大半,而我喱位同事本身係澳洲馬拉人,雖然佢唔識講廣東話,但佢好好人成日同我傾計幫我練英文,我重記得佢初初同我講野時,我己同佢講我英文唔係幾好,佢重同我講唔怕,講得多就得,重成日幫我練習....我英文係頭個半年既進步,佢係可以講佔左一半既功勞,依加佢走喇,本來除了公司果餐fairwell dinner 外(因為太人出trip,所以提早食),重要好好同佢再食多一餐或飲野, 但佢遲遲都唔講幾時last day,到我知時,原來係咁arm撞正我個business trip既時候, 真係有少少唔開心...

雖然如此,希望佢係新公司all the best 同快d適應喇...
或者遲d夜晚搵佢去飲野...

股票估值

今日看經濟日報時，見到他們提供一些投資小知識，方法是用股息為公司估值。這個方法可以用於一些有穩定派息的股份作估值，就是利用Dividend Discount Model, DDM去計算。

在報上指出該方法的理論為，股份合理價值是取決於投資者未來可從股份獲得的現金流入之總和。如果投資者所得的現金流全是股息，將股息析現為現值便可以衡量股份的價值。

假設股息是以一個固定的增長率(g)代表遞增，而股份的合理價值為P。這樣公式為

P = DF/ (K-g)

在這裡，DF就是未來１年的預期每股股息，可以用 DF = 今年股息x (1+g)得出。而K就是投資者的所需回報率。

雖然這個估值方法好像很簡單，但是這方法只適用於有穩定派息的股票估值，所以並不是太實用於其他股票估值。:D

投資股票好過買樓???

早在數年前,我本想買多一層樓以作收租之用,買樓收租的原因是可以有穩定的回報,約6-7厘。但近年我這想法有少許改變…現在我覺得買樓收租不如買一隻優質長線股收股息替代。原因是買樓有多項雜費及很多東西要考慮，如：

• 租客的質數
• 樓宇的保養及維修
• 稅務問題
  

資金欠流動性而當中亦有一定的風險…就好像第一點，如果租客的質數是差的話，如一些俗稱租霸的租客或經濟能力不是太穩定的租客，就有機會收不到租...又例如當你的單位內的冷氣，厠所去水等問題，很多時業主要負上維修的責任這些都是收入以外的額外支出。而且每年的收租收入亦要報稅入繳納有關的利得稅。

雖然收租所負上的責任及風險亦不少，但可以帶給我們穩定的每月收入。而股票雖然沒有這麼多的雜費，風險及稅款，但一年只收四次息，即收入是每季所得，所以要視乎投資者本身的取向，而我就傾向後者，起碼，我可以減少不必要的煩腦。但一定要收租股。

高息股

近期,股市不斷在波動及反覆向下,很多朋友都問現在是否應該避避?我的答案是取決於你的投資取向。而我作為一個長線的投資者,現在可以說是我低價吸納的好時機。

其實我之前已說過,長線投資應該要選擇優質股,而投資的其中一個目的就當然是說要收股息,所以優質股的其中一個要求是要有穩定派息,而這個時候正好反映到高息股的好處。對於選擇高息優質股,我們應從以下幾方面來選擇:

1. 公司資金充裕
2. 派息紀錄穩定
3. 盈利能力穩健
4. 派息政策

對於公司的資金來說,只有公司的資金充裕才會派息的。而派息紀錄可以知道該公司過往的派息紀錄及派息比率,派息紀錄良好的公司,在未來維持高派息機會亦較大。當然如該公司沒有盈利能力,這樣可能會影響到公司的資金而令到派息減少,甚至乎會影響股價,最後當然要看該公司的派息政策,因為高息股是要有該公司的慷慨派息政策支持的。

而我心目中的高息股就當然是0002, 0005, 0006, 0011。

活在當下

作曲：舒文　填詞：林夕

從那起點　直到終點　就像為著懷緬
十二歲當天　慣與那個每天見面
二十歲當天　仍然未明白何謂再見
每一天　都不知那天　會與那個永不見面

*誰掠過　至知道舊日並未盡力過
誰掠過　回頭嫌見得少　如何才愛得多*

#漫天飛花　卻已錯過快將開的花
活於當下　每秒也要抱緊放下
漫天飛花　最尾剎那瞬間跌下
一秒鐘　足夠盛放吧
hoo　就活在剎那　剎那便過去　曇花不可愛嗎？
(曇花即使短促　不必愛惜嗎？)#

閃過的　即將閃過的　耗盡現在每分氣力
得到的　比起失去的　那個會有更高價值
十年後或六十年後　實在亦沒太多以後
萬年後　每一位要走　卻永遠要計較以後

repeat*#

一秒鐘　這秒鐘　不夠滿足嗎？
一秒鐘　這秒鐘　開了幾多花
(一切得到的　總有一天失去的
只有這秒鐘最重要吧一切得到的
總有一天失去的　得到失之間滿足過吧)
捨不得過去　等不到永遠　如今不必愛惜嗎？
一天天過去　一位位遠去　誰願學習放下

repeat*#

漫天飛花　花非花　花非花　
漫天飛花　花非花　是花非花

清假

近期,我公司勁忙,但係又到一年一度清假時刻,如果唔清假,公司就當你自動放棄d假,不只冇哂D假,重要連錢都冇得補,加上我勁喱輪勁辛苦,又要考試,公司又成日開會,個個同事都走黎問我羅time slot 開會...shit...真係做到有氣冇得頭

所以我決定唔理咁多,一於清假抖抖....如果唔係真係鐵人都死,所以我就係黎緊既星期一至三攞3日假 (total即係放9日) 之後返去先算....(點都係繼續忙架啦)...起碼放過下假义义電先...

我的新玩具

最近因為公司既mouse壞壞地,原本諗住求其買過隻mouse就算,點知比我唔小心咁係網上面見到喱個keyboard同mouse....

無錯,佢就係Logitech 既無影手Wave (Cordless Desktop Wave)既 keyboard and Mouse combo。跟住去到黃金到試下,唔試由自可,一試個手感真係勁一流:

1. 佢個keyboard既按力好舒服,唔使用太大力去按, 重要打字時好鬼死靜 。
2. 佢個keyboard 係用人體工學去設計,極之適合打字既手型...
3. 佢係用LASAR Mouse,比起optical mouse更好用。

所以最後我決定左將我屋企依加個keyboard and mouse combo(Logitech LX500 Cordless Keyboard and Mouse Combo) 攞左返公司,而自己就用喱個新玩具, 哈哈,依加打字好舒服, 正~

意外收獲

今日,原本諗住出去黃金買機箱,但係行哂全個商場都啱budget果d就唔啱心水...啱心水果d又唔啱budget (成$1800 xp 點買),我原本都遇左成千銀買架喇...但係都搵唔到...咁唯有走喇,但臨走既時候,諗住去新高登到睇下有乜2手野啱駛,當係唔使白走一趟喇....

點知,係果到比我見到個正既機箱,外型都幾型仔,鋼水唔比一線廠差....

重要有齊USB, Firewire, audio同video既panel住,真係好吸引...

最緊要係個價錢勁超值, 只係買HKD99蚊咋....即刻有十個開心,因為喱個比我預定既budget低好多...而又勁咁心水。

但初初都有少少擔心係咪得返一隻display貨,但係諗住問下唔使死既心態去問下d姐姐仔,唔問由至可,一問就發現佢後面有勁多新貨,重要有黑色,但最後我都係揀買銀色(因為我本身有個黑色鋁殼,依加想買個殼黎切部造文書機同上下網,留返黑色部打機用),依加重可以用淨左既budget黎買多一塊新底板tim, 真係意外既收獲 。XD