其中既 4D劇場我地重睇哂當日兩場（上午既係史力加，而夜晚既係芝麻街）真係好立體，好正。除左4D外，我地都有睇其他3D劇場，但都係覺得4D好睇ｄ。XD
當然重有好多其他既劇場喇，其中有一ｄ好搞笑既事發生，話說我地去睇Backdraft ，咁佢地就佈置返ｄ場境出黎，而其中有一幕好幅真的，咁我地就企係條用鐵整出黎既走廊到，原本我隔離企左個好大隻既日本人／韓國人。初初企得好近，點知第一爆時，佢成日人彈開左，到第二爆時，佢真頭退後幾步，到最後時，因為想做到迫真效果，頭頂會有一個好似跌落黎既油桶，佢重成個人彈開，完左後，佢身邊半徑一呎範圍內係冇人，因為比佢彈開哂，好搞笑。
最後，我地睇埋小飛俠劇場（真人係海上吊威也，扮飛黎飛去，好勁）同煙火表演，當日既Universal Studio就關門，跟住我地就返酒店附近既居酒屋食晚飯。
沒有留言:
發佈留言