收樓

由於舊業主搵到租盤,所以他們可以在12月中提早交樓給我。

但由於有其他更重要的事忙,所以都是在12月尾才開始裝修~

地磚的選擇 - 木紋磚

我地係星期六再睇多次之前所選既地磚同埋睇近期大熱既木紋磚,最終我地決定選用木紋磚, 而今次我地就揀左喱兩隻色。

但決定色水都係幾難揀既,等我地再諗下先~

好黑仔~

早排我勁黑仔,架車比人撞左....

重要全車報損毀,依加最需要用車時又無車....

唉~

好慘!

馬爾代夫之旅 - 8

至於最後果日,我地要約下午7點離開酒店,所以我地就只係周圍行下同影相 (雖然其實日日都有影),但果日真係有D唔拾得既感覺~

我地重係到諗, 下次要再黎過~

馬爾代夫之旅 - 7

至於去游水同水上活活方便,我地除左係infinity pool到游外,我地重有係自己既酒店到玩浮潛同跟教練出海玩浮潛, 睇海豚,但好地好唔好彩,睇唔到海豚,其實佢地如果睇唔到,會安排第二日免費睇過,但係我地因為要走喇,所以就無得睇....

所以如果你地去睇,就記得第一日去既時候好安排睇海豚,如果唔係就哂左D錢架喇....

酒店既infinity pool,係果到游水望出去好似係個海到咁架~

我地重有係酒店到玩喱樣野,好難玩,成日係個海到自己轉,好辛苦先可以爬返上岸....

同自己浮潛,你睇下有魔鬼魚BB同鯊魚BB tim呀~

至於出海浮潛,真係好大浪,要用好多體能,玩原果日真係唔想在動,但值得既,因為海底世界好靚...如果識潛水就更好~

馬爾代夫之旅 - 6

其實係馬爾代夫,都主要係食,游水,影相,哂太陽同睇書,真係好relax同hea~

係食方面,本身個package係BB,但優惠自動升級做half board (即早餐+晚餐),但我地就加錢upgrade 埋做full board ((即包早午晚三餐),但其實唔洗架,肚餓自己比錢食都唔係好貴,而且好好食~

等我地睇下有乜食先 (但我地好多都唔記得影, 哈哈)

佢地重送左個蛋糕比我地食tim,但唔知點解一upload上黎就變左打直????

馬爾代夫之旅 - 5

第二朝一早,我地就好早起左身,因為覺得無理由唔享受下馬爾代夫既陽光,所以我地約當地時間既7點幾就起身,其實係香港都差不多10點幾架喇~

我一起身就望到喱個畫面 (對唔住,我影得唔好,但當時真係好開心同震撼,因為眼前既景色真係好靚)

梳洗過後,我地就走出我地既房準備去食早餐,喱到就係我地間房既門口,行前D望返轉頭,就可以睇到一排既水上屋~

行過橋時,影左個倒影相, 同大家say 個 hi~ 哈哈~

因為第一晚到時已天黑,所以依加先補影返間酒店牌~

馬爾代夫之旅 - 4

我地係住係一間叫Anantara Resort (Veli Island),係比較平既水上屋,因為係package 既優惠,所以只係paid 3 have 4 night,真係very good~

初初都擔心房可能唔夠其他靚, 但去到睇又唔係喎如果喱個價錢,我覺得好靚好得下~

喱到係一入去既門口, 望入去就見到我地張床~

而因為去既人多數都係渡蜜月,所以張床都會整D玫瑰花瓣係到,重會有個welcome fruit, 但我地去係慶祝結婚週年,所以其實佢地係比錯我地既,hey hey~

之後就去睇下個廁所,浴缸同沖身,真係好正,其實佢有兩到門,一到係通向房,另一到係出露台,果到可以直接落水架~

好正,而洗面盤又有兩個唔使爭, 哈哈~

馬爾代夫之旅 - 3

隔左差不多一年,終於得閒繼續寫~

我地一早起身做好準備,約下午2時許到逹機場,準備搭星航到新加坡轉機到馬爾代夫既首都馬列。
因為係四點機,所以我地係就係機埸先食野同hea一陣, 到3點幾就懷住興奮既心情入閘同登機~

機程會係3個鍾左右,到逹新加坡後,就會立刻轉另一班機去馬列。

而馬爾代夫同香港係有約3個鍾頭時差,所以我地去到馬列時,其實已經係香港既零晨1點幾, 之後我地重要搭約35分鍾既Jet boat去酒店...

到逹酒店後,就有兩杯好好飲既welcome drink - lemon lime soda黎歡迎我地(杯野好好飲的),同等check-in,到攞到房時已經差不多係香港時間3點鍾,第一日就係好攰既時間度過~

搵裝修師父~

由於舊業主唔肯早交吉,我地只好照原定既交吉日期收樓。所以我地近期都無乜搞到裝修既野,直至到上星期,我地開始搵師父報價。

我地去到師父到,基本上乜都唔係好識,但好彩老爺奶奶一齊去幫左我地好多,但係果到都傾左成兩個幾鍾,亦傾左初步點整同選好一部份既材料,如廁所同廚房既牆磚,大門同房門既款式等等~

但我地仍然會自己買一D料比師父裝~
如廁所龍頭、地磚、鋅盤等等~

依加等佢地比個詳細報價我!

地磚的選擇2

經過一輪係網上做既research, 發現原來布紋磚係好難打理,尤其是係鞋底痴著D沙石入到屋時...

網友分享話會留係D坑紋到,加上D塵可能會積係坑到,會變黑同好肉酸,所以我地依加又重新要考慮過地磚,可能要轉用第二選擇~

地磚的選擇

行左兩日，揀左3隻磚，一隻係意大利雜乜牌，另外兩隻係大陸名牌，最後揀左大陸名牌布紋磚。

新屋平面圖

這個是我的新居平面圖，現在我們正打算用AutoCAD/ Solidwork再照圖表呎寸再畫一次，但在這裡先放一張原圖先。雖然，不是這個單位數字，但方向是這一個，所以就借用一下。:)

裝修項目

初步估計將要進行裝修的項目分為以下幾個：

1, 浴室 - 地磚，牆磚，地櫃，浴屏，鏡櫃，燈，趟門，座廁，洗手盤，水龍頭，花灑
2, 廚房 - 地磚，牆磚，水龍頭，鋅盤，燈，廚櫃
3, 全屋 - 電掣，電線，喉，地台連地磚/地板
4, 飯廳 - 鞋櫃，燈，窗簾
5, 客廳 - 鐵閘，大門， 電視櫃， 燈，窗簾
6, 細房 - 櫃，燈，窗簾
7, 主人房連書房 - 床，衣櫃，燈，窗簾，電腦檯，椅，床褥???

至於電器方面：

1, 洗衣機
2, 雪櫃
3, 抽油煙機
4, 抽氣扇 x 2
5, 門鎖

6, 冷氣機

7, 微波爐

8, 鏡頭櫃

暫時想到的只有這些，若有的話遲些再加。

新居

在這個樓市熾熱的時期,我也加入了他們，買多了一層樓。不過這層樓只是居屋及打算自住，而現正住着的一層，將會等新買的入伙後出租。

但由於買的只是二手居屋加上它已有一定的樓齡，所以在裝修那方面，需要多些費用及精神，因為我們打算全屋做裝修。

至於裝修這方面，我們可以說是新手，因為之前是買新樓的，所以很多東西已經包了，不需要煩，但現在，所有東西都要找及做，所以近期我兩也十分忙碌，一來忙於家居設計，二來忙於選擇合適的物料，最後還要格價等......

雖然要到12月才收樓，就讓我在這裡分享一下裝修的過程及點滴吧!

生老病死

其實這是每個人、每種生命都必經的一個過程。雖然這是一個定律，亦明白是無可避免的，但每次要面對時，心仍然是很難受的。

有時我在想，是否不投放任何感情就可避免這種難受的感覺呢?

馬爾代夫之旅 - 2

星期一就係出發既日子喇，但係我地依加既心情已經好輕鬆，因為假期係今日開始。但今日會比較忙，因為我地乜都未買，所以就忙住去買野，例如太陽油呀，防曬用品，沙灘褲呀等等，至於浮潛用具，雖然酒店有提供，但我地都係打算自己買私家的，所以今日既行程特別忙碌。

今晚同聽日，我地就會開始執行李喇，到星期一訓醒就起程～

馬爾代夫之旅 - 1

由於工作繁忙，所以好耐都無放過假了，但公司規定要係3月前放哂我2009年既年假，否則就當自動放棄剩餘既假期，所以係12月尾時開始plan我D假點用...

過去一年，工作壓力比較大，所以希望假期係relax為主，而陽光海灘就最好不過喇。正當苦思去邊到好既時候，我家姐就提議不如去馬爾代夫，因為佢之前去玩過好好玩。果刻個心都動左一動，因為馬爾代夫其實係我其中一個諗過去honeymoon既地方，但當時最後揀左去紐西蘭。而隔3年後，咁arm又到我結婚週年紀念。於是事不宜遲，立刻搵下有邊間Resort平靚正。

我係聖誕果幾日假期裡面，上網睇左好多關於馬爾代夫既資料同睇左SIA既package，亦都去左銀行中心到攞資料。但睇完D資料，其實跟團同自己去差不多，諗過無謂為左有人幫我安排出入境等等就要比小費領隊，所以都係自己買package好D。

經過一輪研究後，發覺去馬爾代夫價格相差都幾遠，最平的7千幾8千既酒店都有。但去馬爾代夫玩既話，可以講話係一分錢一分貨，而且我想住水上屋，所以我地都係決定去D中價D既酒店。初初選擇左一間幾鍾意既酒店，但係SIA無做到任何promotion (stay 4 pay 3 night 優惠)，反而Srilankan holidays有，所以就報個價同睇下個flight schedule點，但由於flight schedule 太差，所以諗住放棄去買SIA holidays既package，因為星航既時間真係好好多。但可能太遲book既關係(我12月尾book 1月中去)，所以問左個agent幾間酒店都full左...諗住不如重新再plan過等用early bird既offer。

諗住放棄之際，點知之前問Srilankan holidays promotion個agent話可以改Airline, 而且改成星航，所以立刻扑鎚去馬，就係咁我個馬爾代夫之旅就會係1月中出發了~

Yeah!